Chehre Pe Mere Zulf Ko Bikhrao Kisi Din

 

Poet Wasi Shah

 

Chehre Pe Mere Zulf Ko Bikhrao Kisi Din,

Kion Roz Girajte Ho Baras Jao Kisi Din,

Perhon Ki Tarah Husn Ki Barish Mein Naha Lon,

Badal Ki Tarah Jhoom K Ghir Aao Kisi Din,

Khushbo Ki Tarah Guzro Mere Dil Ki Gali Se,

Phoolon Ki Tarah Mujh Pe Bikhar Jao Kisi Din,

Guzrain Jo Mere Ghar Se To Ruk Jaain Sitare,

Is Tarah Meri Zat Ko Chamkao Kisi Din,

Main Apni Har Ek Sans Isi Rat Ko De Don,

Sir Rakh K Mere Seene Pe So Jao Kisi Din....................!