Meri Aankhon Mein Naye Khawab Ugane Aaye

 

Poet Sagar Siddiuqi

 

Meri Aankhon Mein Naye Khawab Ugane Aaye,

Phir Se Jugno Mere Kamre Ko Sajane Aaye,

Ek Muddat Se Mere Dil Mein Yehi Khawahish Hai,

Teri Khushbo Meri Sanson Mein Smane Aaye,

Too Kisi Roz Mere Naam Ka Anchal Orrhe,

Too Kisi Roz Mera Sath Nibhane Aaye,

Log Har Soo Teri Tasveer Liye Phirte Hain,

Ub Tere Lout K Aane K Zamane Aaye,

Aao Tameer Karain Pyar Ka Ek Taaj Mehl,

Is Se Pehle K Humain Hijar Rulane Aaye,

Baith Jata Hon Main Har Roz Dehleez Pe Aa kar,

Jane Kis Lamhe Koi Mujh Ko Manane Aaye..............!