Jab Main Chota Sa Ek Larka Tha

 

================

HATH KI LAKEER

================

 

Poet Wasi SHAH 

 

Jab Main Chota Sa Ek Larka Tha,

Raah Main Ek Najoomi Ne Mujhe Roka Tha,

Ghor Se Dekha Tha Us Ne Meri Hatheli Ko,

Jaise Boojay Koi Kisi Paheli Ko,

Kuch Dair Youn Hi Wo Dekhta Raha,

Phir Aah Bhari Aur Kehne Laga,

Aay Bache Ye Jo Tere Hathon Ki Lakeerain Hain

In Mein Maine Tera Jeevan Dekha Hai,

Ek Khoobsorat Larki Tere Dil Ko Tore Gi

Ek Bhi Sapna Tere Pas Na Chore Gi

Too Ro Ro K Hath Barhaye Ga

Par Chanda Tere Hath Na Aaye Ga

Aay Bache Ye Too Kia Likhwa Laya Hai

Gham Hi Gham Tere Hise Mein Aya Hai

Ek Din Tujh Pe Aisa Bhi Waqt Aana Hai

Log Kahen ge Pagal Hai, Deewana Hai

Bhatke Ga Dar-o-Deewaar Aas Liye

Mar Jaye Ga Nadi Kinare Piyas Liye

Ghamon Ka Itna Lamba Saath Nahi Dekha

Main Ne Aaj Tak Aisa Hath Nahi Dekha.........!