Mere Nazdeek Jo Rehta Bahut Hai

 

Poet Wasi Shah

 

Mere Nazdeek Jo Rehta Bahut Hai,

Ghalat Us Ne Mujhe Samjha Bahut hai,

Kaho Tum Ne Bhi Parkha

Bahut Hai,

Mera Dil Pyar Mein Seedha

Bahut Hai,

Use Haq Hai Wo Mere Hath Kaate,

K Us K Naam Ko Likha Bahut Hai,

Main Sehra Hon Magar

Shadabion Ka,

Wo Daria Hai Magar Pyasa

Bahut Hai,

Usi Ne Aankh Ko Aanso Diy Hain,

Jise Is Aankh Ne Dekha Bahut Hai,

Maseeha Soch Lo Dawa Se Pahle,

Ye Dil Ka Aina Toota Bahut Hai,

Bichhar K Mujh Se Zinda Reh Raha Hai,

Wo Apni Bat Ka Pakka Bahut Hai,

Zara Si Chaap Par Bhi

Jag Jay,

Mera Dil Neend Ka Kacha

Bahut Hai,

Lagi Hai Jab Se Zakhmon Ki Numaish

Tumhare Hath Ka Charcha

Bahut Hai,

Na Jane Khawab Kia Dekha Hai Us Ne?

Ye Bacha Rat Se Sehma

Bahut Hai,

Agar Dekho To Jan-e Anjuman Hai,

Agar Socho To wasi Tanha

Bahut Hai...