Teri Yadon Ka Wo Aalam Nahi Hai

 

Poet: Ahmed Faraz

Type By

*._Ayaz Khan_.* 

 

Teri Yadon Ka Wo Aalam Nahi Hai.

Magar Dil Ki Udasi Kam Nahi Hai.

Humain Bhi Yad Hai Marg-E-Tamana.

Magar Ab Farsat-E-Matam Nahi Hai.

Hawa-e-Qurb-E-Manzil Ka Bura Hova.

Faraq-E-Hamsafar Ka Gham Nahi Hai.

Janoon-E-Parsai Bhi To Naseh.

Meri Deewangi Se Kam Nahi Hai.

Ye Kia Gulshan Hai Jis Gulshan Mein Log.

Baharon Ka Koi Mosam Nahi Hai.

Qayamat Hai K Har Meh-khawar Piyasa.

Magar Koi Hareef-E-Jam Nahi Hai.

Saleebon Par Khenche Jate Hain Lekin.

Kisi K Hath Mein Parcham Nahi Hai.

Faraz Is Qehat Zaar-E-Roshni Mein.

Charaghon Ka Dhovaan Bhi Kam Nahi Hai....!

Book: Jaana Jaana

Page: 67 to 68

Ghazal: 28