Nahi Aaya Abhi Wo Jan_e_Mehfil Jan_e_Tanhai

 

 

Poet Liaqat Ali Asim 

 

Nahi Aaya Abhi Wo Jan_e_Mehfil Jan_e_Tanhai,

Chalo Maoqoof Rakhen Aaj Bhi Ailan_e_Tanhai,

Mila Jo Bhi Tumhari Hi Tarha Kafir Mila Mujh Ko,

So Raasikh Ho Gayaa Aakhir Maira Emaan e Tanhai,

Main Un Ko Chhor Kar Barbaad Ho Jaaonga, Ay Vehshat,

Maire Ehbaab Hain Mera Sar o Saamaan e Tanhaaii,

Sunaa Hai Dasht e Rusvaaii Men Pehli Baar Aaya Hai,

Chalo, Chal Kar Karen Us Par Zaraa Ehsaan e Tanhaaii,

Isi Baa'is To Ham Ko Aasmaan Milne Nahin Detaa,

Voh Sailaab e Tamaasha Hai, To Main Toofaan e Tanhaaii,

Chhuraa Laataa Hun Khud Ko Aik Do Ghazalen Sunaa Kar Main,

Liya Jaata Hai Mujh Se Bazm Men Taawaan e Tanhaaii,

Boht Zor Aazmaai Ho Chuki, Rehne Do Ab 'Asim,

Nahin Niklegaa Seene Se Maire Paikaan e Tanhaaii...!!!