Pharta Hon Abhi Tak Wohi Tehreer Purani

 

Poet Adeem Hashmi

 

Pharta Hon Abhi Tak Wohi Tehreer Purani.

Matha Hai Naya Phir Hai Taqdeer Purani.

Ye Aalam Ye Tera Badla Hova Chahera.

Seene Se Laga Li Teri Tasveer Puraani.

Kaandhon Pe Naya Sar To Barri Dhaj Se Lagaya.

Pairon Main Latakti Rahi Zanjeer Puraani.

To Mujh Ko Saja De K Bana De K Mita De.

Main To Hon Meri Jaan Teri Jaageer Purani.

Muamaar Ne Buniyad Ka Naqsha Nahi Badla.

Phir Mere Khandar Ki Hovi Tameer Purani.

Fankaar Wohi Hath Wohi Rang Wohi Hain.

Soorat Hai Wohi Hai Wohi Tasveer Puraani.

Hai Yaad ADEEM Us Ko Mujhe Jabar Main Rakhna.

Bhoola Hi Nahi Wo Meri Taqseer Purani.