Khali Pare Hain Jaam Koi Bat Kijiye Rindaan-E-Tishna

 

Poet Wasif Ali Wasif 

 

Khali Pare Hain Jaam Koi Bat Kijiye,

Rindaan-E-Tishna Kaam Koi Bat Kijiye,

Toqeer-E-Maikada Ka Taqaza Hai Maye Kasho,

Ab Khamshi Haraam Koi Bat Kijiye,

Mehshar Ki Subha Ka Hi Zara Tazkara Sahi,

Guzre Gi Kaise Sham Koi Bat Kijiye,

Guzri Hai Un Pe Kia Jo Chaman Se Bichar Gaye,

Amwaj-E-Khush Kharaam Koi Bat Kijiye,

Kion Humsafar Hoi Hain Mere Sath Manzalein,

Ahbab-E-Zee Maqam Koi Bat Kijiye,

Kuch Deir Mujh Ghareeb Ki Mehfil Mein Baith Kar,

Yaran-E-Khush Kalaam Koi Bat Kijiye,

WASIF Nikal Hi Aaye Gi Baton Se Koi Bat,

Un Se Baraye Naam Koi Baat Kijiye.................!

Page 179