Mat Pooch K Main Kitni Bulandi Se Gira Hon

 

Poet Wasif Ali Wasif 

 

Mat Pooch K Main Kitni Bulandi Se Gira Hon,

De Mujh Ko Dilasa K Main Ab Toot Chuka Hon,

Too Bais-E-Hasti Hai To Main Hasil-E-Hasti,

Aaye Tabish-E-Khursheed Main Dure Ki Anaa Hon,

Shadabi Gulshan Mein Wo Masroof-E-Tarab Hai,

Main Dard K Sehra Mein Jise Dhoond Raha Hon,

Alfaz Ka Mafhoom Badal Jaye Jahan Par,

Us Soorat-E-Halaat Se Do Chaar Howa Hon,

Ab Jaan Se Guzarne Ka Hai Ek Marhala Baqi,

Rishton Ki Aziat Ka Safar Kaat Chuka Hon...................!

Page 242