Girte Hain Log Garmi-E-Bazar Dekh Kar

 

Poet Abdul Hameed Addam

 

Girte Hain Log Garmi-E-Bazar Dekh Kar,

Sarkar Dekh Kar Meri Sarkar Dekh Kar,

Ye Bhi Hai Rehbaron K Karam Se Jali Hoi,

Darti Hai Aqal Raah Ko Humwar Dekh Kar,

Aawargi Ka Shoq Bharkta Hai Aur Bhi,

Teri Gali Ka Saya-E-Deewar Dekh Kar,

Kia Mustaqil Ilaj Kia Dil K Dard Ka,

Wo Muskara Diye Mujhe Beemar Dekh Kar,

Taskeen-E-Dil Ki Aik Hi Tadbeer Hai Faqt,

Sar Phor LijiYe Koi Deewar Dekh Kar,

Aata Hai Dushmano Ki Madaraat Ka Khayal,

Ahbab Ka Tareeqa-E-Guftar Dekh Kar............!

Page 226,227