Dar Gia Aur Kaanp Kaanp Gia Main Kisi K Nazar Ko Bhanp Gia

Poet Naseer-O-Deen Naseer 

Dar Gia Aur Kaanp Kaanp Gia

Main Kisi K Nazar Ko Bhanp Gia

Hijar Mein Ye Nafas Ki Aamad-O-Shud,

Aik Sanp Aaya, Aik Sanp Gia,

Ghuncha-O-Gul Ka Dekh Kar Anjam,

Dil Gulistaan Mein Kaanp Kaanp Gia,

Be Kafan Lash Thi Musafir Ki,

Aa K Toofan-E-Gird Dhanp Gia,

Jis Ko Kal Aasteen Mein Paala Tha,

Aaj Dass Kar Mujhe Wo Saanp Gia,

Mere Un K Mamlat Ka Rukh,

Ek Nazar Mein Wo Zamana Bhanp Gia,

Wo Sitam Dhaye Aap Ne Mujh Par,

Qalb-E-Koh-E-Garaan Bhi Kaanp Gia,

Apne Dushman Ko Ab To Pehchanein,

Dekhiye Dekhiye Wo Sanp Gia,

Arsa-E-Shoq Mein NASEER Aksar,

Itna Dorra Hon Main K Haanp Gia...............!