Apna To Ye Kam Hai Bhai Dil Ka Khoon Bahate Rehna

 

 

Poet Muneer Niazi

Type bY 

UJRRA_DIL

Apna To Ye Kam Hai Bhai

Dil Ka Khoon Bahate Rehna,

Jaag Jaag Kar In Raton Mein,

Sheyr Ki Aag Jalate Rehna,

Apne Gharon Se Door Banon Mein Phirte Huye Aawara Logo,

Kabhi Kabhi Jab Waqat Mile To Apne Ghar Bhi Jate Rehna,

Raat K Dashat Mein Phool Khile Hain Bhooli Basri Yadon K,

Gham Ki Taiz Sharab Se In K Teekhe Naqash Mitate Rehna,

Khushboo Ki Deewar K Peech'he Kese Kese Rang Jame Hain,

Jab Tak Din Ka Sooraj Aaye Is Ka Khoj Lagate Rehna,

Tum Bhi MUNEER In Galiyon Se Apne Aap Ko Door Hi Rakhna,

Ach'ha Hai Jhoote Logon Se Apna Aap Bachate Rehna..........!

.

Kuliat-E-Muneer