December Jab Bhi Aata Hai Wo Pagli Phir Se Beete Mosam Ko Yad Karti Hai

 

 

Poet Khaleelullah Farooqi

 

December Jab Bhi Aata Hai

Wo Pagli Phir Se Beete Mosam Ko Yad Karti Hai

Purane Cards Parhti Hai K Jis Mein Us Ne Likha Tha,

Main Louton Ga DECEMBER Mein,

Naye Kapre Banati Hai,

Wo Sara Ghar Sajati Hai,

December K Har Aik Din Ko,

Wo Gin Gin Kar Batati Hai,

Joon Hi 15 Guzarti Hai,

Wo Kuch Kuch Toot Jati Hai,

Magar Phir Bhi Purane Albums Ko Khol Kar,

Mazi Ko Bulati Hai,

Nahi Maloom Ye Us Ko K,

Beete Waqt Ki Khushian

Bahut Takleef Deti Hein,

Mehz Dil Ko Jalati Hain,

Younhi Din Beet Jate Hein,

DECEMBER Lout Jata Hai,

Magar Wo Khush Fehm Larki,

Dobara Se Calender Mein,

DECEMBER K Maheene K

Safhe Ko,

Mor Kar Phir Se December K Sehr Mein Doob Jati Hai,

K Aakhir Us Ne Likha Tha,

Main Louton Ga DECEMBER Mein.........!

Page 240