Sham Hui Ghar Aa Bawray Sham Hui Ghar Aa

 

 

Poet Muneer Niazi

Type By 

UJRRA_DIL

Sham Hui Ghar Aa Bawray,

Sham Hui Ghar Aa,

Toonay Safar Mein Kaya Kuch'h Daikha,?

Hum Ko Bhi To Suna Bawray,

Sham Hui Ghar Aa,

Kaisay Kaisay Log Milay Thay ?

Kaya Tha Un Ka Naam ?

Kahan Kahan Ki Khak Urraayi ?

Kahan Kiya Basram ?

Kon Tha Jis Nay Tairay Dil Say,

Mujh Ko Diya Bhula Bawray,

Sham Hui Ghar Aa,

Pich'hlay Pehar Ka Chaand Tha,

Kitna Chup Chup Aur Udaas,

Ik Saya Khamosh Kharra Tha,

Deewaron K Paas,

Yaad Hai Us Nay Tujhay Kaha Tha,

Aaj Raat Mat Ja Bawray,

Sham Hui Ghar Aa Bawray,

Sham Hui Ghar Aa............!

Kuliat-E-Muneer