SHIKWA

 

Poet Allama Iqbal

=========

*SHIKWA*

=========

Type By

Ayaz Khan 

Ujra Dil 

 

Kion Zyan Kar Banon Sood Framosh Rahon

Fikr-e-Farda Na Karum, Mahw-e-Ghum-e-Dosh Rahon.

Naale Bulbul Ke Sunoon, Aur Hama Tan Gosh Rahun.

Humnawa Main Bhi Koi Gul Hun Ke Khamosh Rahun.

Jurrat Aamoz Miri Taab-E- Sakhun Hai Mujh Ko.

Shikwa Allah Se Khakam Badahan Hai Mujh Ko.

Hai Baja Shewa-E-Tasleem Mein Mashoor Hain Hum.

Qissa-e-Dard Sunate Hain Ke Majboor Hain Hum.

Saaz-E-Khamosh Hain, Faryad Se Maamoor Hain Hum.

Nala Ata Hai Agar Lab Pe To Maazoor Hain Hum.

Ae Khuda Shikwa-E-Arbab-E-Wafa Bhi Sun Le.

Khugar-E-Hamd Se Thora Sa Gila Bhi Sun Le,

Thi To Mojood Azal Se Hi Teri Zaat-E-Qadim.

Phool Tha Zaib-E-Chaman, Par Na Preshan Thi Shamim.

Shart Insaaf Hai, Ae Sahib-E- Altaf-E-Amim.

Boo-E-Gul Phailti Kis Tarah Jo Hoti Na Nasim.

Hum Ko Jamiat-E-Khatir Ye Preshani Thi.

Warna Ummat Tere Mehboob (S.A.W.) Ki Diwani Thi.

Hum Se Pehle Tha Ajab Tere Jahan Ka Manzar.

Kahin Masjood The Pathar, Kahin Maabood Shajar.

Khugar-E-Paikar-E-Mahsoos Thi Insaan Ki Nazar.

Manta Phir Koi Un-Dekhe Khuda Ko Kion kar.

Tujh Ko Maalum Hai Leta Tha Koi Naam Tera.

Quwwat-E-Baazoo-E-Muslim Ne Kia Kaam Tera,

Bas Rahe The Yahin Saljooq Bhi Toorani Bhi.

Ahl-E-Chin Cheen Mein, Iraan Mein Sasaani Bhi.

Issi Mamoore Mein Aabad The Yoonani Bhi.

Issi Dunia Mein Yahodi Bhi The, Nusrani Bhi.

Par Tere Naam Pe Talwaar Uthai Kis Ne.

Baat Jo Bigri Howi Thi, Wo Banai Kis Ne.

The Hameen Ek Tire Maarka Aaraon Mein.

Khushkion Mein Kabhi Larte, Kabhi Dariaon Mein.

Deen Azaanain Kabhi Europe Ke Kaleesaon Mein.

Kabhi Africa Ke Tapte Howe Sehraon Mein.

Shan Ankhon Mein Na Jachti Thi Jahan Daron Ki.

Kalima Parhte The Hum Chaon Mein Talwaron Ki,

Hum Jo Jeete The To Jnagon Ki Musibat Ke Liye.

Aur Merte The Tere Naam Ki Azmat Ke Liye.

Thi Na Kuch Taeg-Zani Apni Hukumat Ke Liye.

Sar-Bakaf Phirte The Kia Dehar Mein Doulat Ke Liye.

Qaum Apni Jo Zar-O-Maal-E-Jahan Par Marti.

Butt Faroshi Ke Iwaz Butt Shikni Kion Karti.

Tal Na Sakte The Agar Jang Mein Arh Jate The.

Paon Sheron Ke Bhi Maidan Se Ukhar Jate The.

Tujh Se Sarkash Howa Koi To Bighar Jate.

The Taeg Kia Cheez Hai, Hum Toup Se Larh Jate.

Naqsh Tuheed Ka Har Dil Pe Bithaya Hum Ne.

Zer-E-Khanjar Bhi Ye Paighaam Sunaya Hum Ne,

Too Hi Keh De Ke Ukhara Dar-E-Khiyber Kis Ne.

Shehr Qaiser Ka Jo Tha, Us Ko Kia Sar Kis Ne.

Tore Makhluq Khudawandon Ke Paikar Kis Ne.

Kaat Kar Rakh Diye Kuffaar Ke Lashkar Kis Ne.

Kis Ne Thanda Kia Atishkuda-E-Iran Ko.

Kis Ne Phir Zinda Kia Tazkara-E- Yazdaan Ko.

Kon Si Qoum Faqat Teri Talabgar Hoi.

Aur Tere Liye Zehmat Kash-e- Paikaar Hoi.

Kis Ki Shamsheer Jahangeer, Jahandar Hoi.

Kis Ki Takbeer Se Dunia Teri Baidar Hoi.

Kis Ki Haibat Se Sanam Sehme Howe Rehte The.

Moh Ke Bal Gir Ke HOO WA- ALLAH HOO AHAD Kehte Thay,

Aa Gia Ain Laraai Mein Agar Waqt-E-Namaz.

Qibla Roo Ho Ke Zameen Bos Hoi Qoum-E-Hijaz.

Ek Hi Saf Mein Khare Ho Gaye Mahmood-O-Ayaz.

No Koi Banda Raha Aur Na Koi Banda Nawaz.

Banda-O-Sahib-O-Mauhtaaj-O- Ghani Aik Howe.

Teri Sarkar Mein Pohanche To Sabhi Aik Howe.

Mehfil-E-Kon-O-Makan Mein Sehar-O-Sham.

Phire Mai-E-Tauheed Ko Lekar Sifat-E- Jam.

Koh Mein, Dasht Mein Le Kar Tera Pegham Phire.

Aur Maaloom Hai Tujh Ko, Kabhi Nakaam Phire.

Dasht To Dasht Hain, Daria Bhi Na Chhore Hum

Ne.

Bahr-E-Zulmaat Mein Daura Diye Ghore Hum Ne,

Safah-E-Dahar Se Baatil Ko Mitaya Hum Ne.

Naoo-E-Insaan Ko Ghulami Se Chhuraya Hum Ne.

Tere Kaabe Ko Jabeenon Se Basaya Hum Ne.

Tere Quran Ko Seenon Se Lagaya Hum Ne.

Phir Bhi Hum Se Ye Gila Hai Ke Wafadar Nahin Hum.

Wafadar Nahin, Too Bhi To Dildar Nahin.

Ummatain Aur Bhi Hain, In Mein Gunahgar Bhi Hain.

Ejz Wale Bhi Hain, Mast-E-Mai-E-Pindar Bhi Hain.

In Mein Kahil Bhi Hain, Ghafil Bhi Hain, Hushyar Bhi Hain.

Saikron Hain Ke Tere Naam Se Baizar Bhi Hain.

Rehmatain Hain Teri Aghiyar Ke Kashaanon Par.

Barq Girti Hai To Bechare Musalmanon Par,

Bout Sanam Khanon Mein Kehte Hain,

Musalman Gaye.

Hai Khushi In Ko Ke Kaabe Ke Nigehban Gaye.

In Manzil-E-Deher Se Unthon Ke Hoodi Khawan Gaye.

Apni Baghlon Mein Dabaye Howe Quran Gaye.

Khandah Zan Kufr Hai, Ehsas Tujhe Hai Ke Nahin.

Apni Tooheed Ka Kuch Paas Tujhe Hai Ke Nahin.

Ye Shikayat Nahin Hain Un Ke Khazane Maamur.

Nahin Mehfil Mein Jinhain Baat Bhi Karne Ka Shaur.

Qehar To Ye Hai Ke Kafir Ko Milain Hoor-O-Qasoor.

Aur Bechare Musalman Ko Faqat Wada-E-Hoor.

Ab Wo Altaf Nahin Hum Pe Anayat Nahin.

Baat Ye Kia Hai Ke Pehli Si Madarat Nahi,

Teri Mehfil Bhi Gai, Chahne Wale Bhi Gaye.

Shab Ki Aahain Bhi Gain, Subh Ke Nale Bhi Gaye.

Dil Tujhe De Bhi Gaye, Apna Sila Le Bhi Gaye.

Aa Ke Baithe Bhi Na The, Ke Nikaale Bhi Gaye.

Aaye Ushaaq, Gaye Waada-E- Farda Lekar.

Ab Unhain Dhoond Charag-E-Rukh-E-Zeba Lekar.

Dard-E-Laila Bhi Wohi, Qais Ka Pehlu Bhi Wohi.

Nejad Ke Dasht-O-Jabal Mein Ram-E-Aahoo Bhi Wohi.

Ishq Ka Dil Bhi Wohi, Husn Ka Jaadoo Bhi Wohi.

Ummat-E-Ahmed-E-Mursil Bhi Wohi, Too Bhi Wohi.

Phir Yeh Aazurdagi-E-Ghair-Sabab Kia Maani.

Apne Shaidaaon Pe Ye Chashm-E-Ghazab Kia Maani,

Kion Musalmano Mein Hai Doulat-E-Dunia Nayab.

Teri Qudrat To Hai Wo Jis Ki Na Had Hai Na Hisab.

Too Jo Chahe To Uthe Seena-E- Sehra Se Habab.

Rahroo-E-Dasht Ho Seeli Zada Mouj-E-Sarab.

Taan-E-Aghiyaar Hai, Ruswai Hai,

Nadaari Hai.

Kia Tere Nam Pe Marne Ka Iwaz Khwari Hai.

Bani Aghyar Ki Ab Chahne Wali Dunia.

Reh Gai Apne Liye Aik Khiyali Dunia.

Hum To Rukhsat Howe, Auron Ne Sanbhali Dunia.

Phir Na Kehna Howi Tooheed Se Khali Dunia.

Hum Tao Jeete Hain Ke Dunia Mein Tira Naam Rahe.

Kahin Mumkin Hai Saqi Na Rahe, Jaam Rahe,

Sar-E-Faran Pe Kiya Deen Ko Kamil Too Ne.

Ek Ishare Mein Hazaron Ke Liye Dil Too Ne.

Atish Andoz Kia Ishq Ka Hasil Too Ne.

Phoonk Di Garmi-E-Rukhsar Se Mehfil Too Ne.

Aaj Kion Seene Humare Sharar Abad Nahin.

Hum Wohi Sokhta Saman Hain, Too hi Yaad Nahin.

Wadi-E-Najd Mein Woh Shor-E-Silasil Na Raha.

Qais Diwana-E-Nazara Mehmil Na Raha.

Hosle Woh Na Rahe, Hum Na Rahe, Dil Na Raha.

Ghar Ye Ujhra Hai Ke Too Ronaq-E-Mehfil Na Raha.

Aye Khush Aan Roz Ke Ayi-O-Bsad Naaz Ayi.

Be-Hijabana Sooay Mehfil-E-Ma Baaz Aai,

Tujh Ko Chora Ke Rasool-E-Arabi S.A.W Ko Chora,

Boutgari Paisha Kia, Bout Shikani Ko Chora,

Ishq Ko, Ishq Ki Ashuftah-Sari Ko Chora,

Rasm-E-Salman R.A-O-Awais-E- Qarani R.A Ko Chora,

Aag Takbeer Ki Seenon Mein Dabi Rakhte Hain,

Zindagi Misl-E-Bilal-E-Habshi R.A Rakhte Hain.

Ishq Ki Khair, Who Pehli Si Ada Bhi Na Sahi.

Jaada Paimaai Taslim-O-Raza Bhi Na Sahi.

Muztarib Dil Sifat-E-Qibla Nama Bhi Na Sahi,

Aur Pabandi-E-Aaeen-E-Wafa Bhi Na Sahi.

Kabhi Hum Se, Kabhi Ghairon Se Shanasaai Hai.

Baat Kehne Ki Nahin, Too Bhi To Harjaai Hai,

Badahkash Gair Hain Gulshan Mein Lab-E-Joo Baithe.

Sunte Hain Jaam Bakaf Naghma-E-Kuku Baithe.

Door Hungama-E-Gulzar Se Yak Soo Baithe.

Tere Diwane Bhi Hain Muntazir Hoo Baithe.

Apne Parwanon Ko Phir Zauq-E- Khud Afrozi De.

Barq-E-Dairina Ko Farman-E- Jigar Sozi De.

Qoum-E-Awara Anaa Taab Hai Phir Sooay Hijaz.

Le Ura Bulbul-E-Be Par Ko Mazak-E-Parwaz.

Muztarib Bagh Ke Har Ghunche Mein Hai Booay Niaz.

Too Zara Chair To De, Tashna-E-Mizrab Hai Saaz.

Naghme Betaab Hain Taron Se Niklne Ke Liye.

Toor Muztar Hai Ussi Aag Mein Jalne Ke Liye,

Mushkalain Ummat-E-Marhoom Ki Asan Kar De.

Moor-E-Bemaya Ko Humdosh-E- Suleman Kar De.

Jins-E-Nayaab-E-Mohabbat Ko Phir Arzaan Kar De.

Hind Ke Dair Nasheenon Ko Musalman Kar De.

Joo-E-Khoon Mein Chakad Az Hasrat-E-Dairina-E-Maa.

Mee Tapd Nala Ba Nashtar Kadah-E-Seena-E-Maa.

Boo-E-Gul Le Gai Bairun-E- Chaman Raaz-E-Chaman.

Kia Qayamat Hai Ke Khud Phool Hain Ghammaz-E-Chaman.

Ahd-E-Gul Khatam Hua, Toot Gaya Saaz-E-Chaman.

Ur Gaye Dalion Se Zamzama Pardaaz-E-Chaman.

Ek Bulbul Hai Ke Hai Mahw-E- Tarannum Ab Tak.

Us Ke Seene Mein Hai Naghmon Ka Talatam Ab Tak,

Qumrian Shaakh-E-Sanober Se Gurezaan Bhi Hoin.

Pattian Phool Ki Jhar Jhar Ke Pareshan Bhi Hoin.

Who Purani Ravishen Bagh Ki Weran Bhi Hoin.

Dalian Parahan-E-Barg Se Uriaan Bhi Hoin.

Qaid-E-Mausim Se Tabiat Rahi Aazad Us Ki.

Kaash Gulshan Mein Samjhta Koi Faryaad Us Ki.

Lutf Merne Main Hai Baqi, Na Maza Jeene Mein.

Kuch Maza Hai To Yehi Khoon-E-Jigar Peene Mein.

Kitne Betaab Hain Jouhar Mere Aaeene Mein.

Kis Qadar Jalwe Tarapte Hain Mere Seene Mein.

Iss Gulistan Mein Magar Dekhne Wale Hi Nahin.

Dagh Jo Seene Mein Rakhte Hon, Woh Lale Hi Nahi,

Chaak Iss Bulbul-E-Tanha Ki Nawa Se Dil.

Hon Jaagne Wale Issi Bang-E-Dara Se Dil.

Yani Phir Zinda Naye Ehd-E-Wafa Se Dil Hon.

Phir Issi Bada-E-Deerina Ke Pyaase Dil Hon.

Ajami Khum Hai To Kia Main To Hijazi Hai Meri.

Naghma Hindi Hai To Kia Lai To Hijazi Hai Meri.....!

...THE END...