Ye Larki Jo Is Waqat Sar-E-Baam Khari Hai

 

 

Poet Muneer Niazi

Type By 

UJRRA_DIL

Ye Larki Jo Is Waqat Sar-E-Baam Khari Hai,

Urta Howa Badal Hai Keh Phoolon Ki Lari Hai,

Sharmate Huye Band-E-Qaba Kholi Hai Us Ne,

Ye Shab K Andheron K Mehkne Ki Gharri Hai,

Ik Pairhan Surakh Ka Jalwa Hai Nazar Mein,

Ik Shakal Nangeene Ki Tarah Dil Mein Jurri Hai,

Khilta Tha Kabhi Jis Mein Tamna Ka Shagoofa,

Khirrki Wo Barri Dair Se Veeran Parri Hai,

Taous Ki Aawaz Se Roshan Hai Shab-E-Taar,

Sadd Naghma-E-Naheed Ye Sawan Ki Jharri Hai..............!

.

Kuliat-E-Muneer

Page 47