Baith Jata Hai Wo Jab Mehfil Mein Aa K Samane

 

 

Poet Muneer Niazi

Type bY 

 

UJRRA_DIL 

 

Baith Jata Hai Wo Jab Mehfil Mein Aa K Samane,

Main Hi Bas Hota Hon Us Ki Is Ada K Samane,

Taiz Thi Itni Keh Sara Shehar Soona Kar Gai,

Dair Tak Baitha Raha Main Us Hawa K Samane,

Raat Ik Ujrre Makan Par Ja K Jab Aawaz Di,

Gonj Uthe Baam-O-Dar Mairi Sada K Samane,

Wo Rangeela Hath Maire Dil Pe Aur Us Ki Mehak,

Shama-E-Dil Bujh Si Gai Rang-E-Hina K Samane,

Main To Us Ko Daikhte Hi Jaise Pathar Ho Gaya,

Baat Tak Munh Se Na Nikali Be Wafa K Samane,

Yaad Bhi Hain Ay MUNEER Us Sham Ki Tanhaiyan,

Aik Maidan,

Aik Darkhat,

Aur Too KHUDA K Samane.........!

Kuliat-E-Muneer