Kaghaz Ki Kashtian Thi Bahao Bhi Khoob Tha Tha Mosam Ka Panio Se

 

Poet Khaleelullah Farooqi

Kaghaz Ki Kashtian Thi Bahao Bhi Khoob Tha,

Mosam Ka Panion Se Lagao Bhi Khoob Tha,

Manzar Tere Khayal K Sab Toot'te Rahe,

Sochon Ka Waswason Se Bachao Bhi Khoob Tha,

Zarre Chamak Rahe Thay Falak Se Zameen Tak,

Sehra Mein Chandni Ka Paraao Bhi Khoob Tha,

Bilkul Badal Gaye Thay Taqaze Bhi Adal K,

Munsaf Ka Aik Simat Jhukao Bhi Khoob Tha,

Chahat K Lafaz Sare Baghawat Mein Dhal Gaye,

Jalti Howi Anna Ka Alao Bhi Khoob Tha,

Aanso Bhi Kar Sake Na Haqeeqat Ko Be Naqab,

Teri Taraf Se Aakhri Ghaao Bhi Khoob Tha............!

 

Book
Main Aisi Mohabbat Karta Hon