Ajab Haalaat Thay Maire Ajab Din Raat Thay Maire

Poet Itbar Sajid

Type By

*.__NOMI__.*

 

Ajab Haalaat Thay Maire Ajab Din Raat Thay Maire

Magar Main Mutma'in Tha Is Liye Tum Saath Thay Maire

Mere Zar K Talabgaaron K Nazrein Aise Uthti Thein

Keh Laakhon Unglian Thein Aur Hazaaron Haath Thay Maire

Main Ek Pathar K Gard Aalood Butt Tha Un K Mandir Main

Na Dil Tha Maire Seenay Mein Na Kuch Jazbaat Thay Maire

Kisi Se Aur Kia Ta'aid Ki Umeed Main Rakhta

Vahi Khaamosh Thay Jo Muhram-e-Haalaat Thay Maire

Main Jin Shoghlon Main Jalta Tha Saai Tum Bhi Na Samjhe

Mera Dil Mukhtalif Tha,Mukhtalif Sadmaat Thay Maire

Mujhe Mujrim Bana Kar Rakh Diya Jhootay Gawahoon Ne

Sabhi Rad Ho Gaye Jitnay Bhi  Ilzamaat Thay Maire

Tasawwar Ban Gaya Tasveer Aakhir Aik Din SAJID

Isi Ka Khaof Tha Mujh Ko Yahi Khadshaat Thay Maire..........!