Ik Pasheman Si Hasrat Say Mujhay Sochta Hay

 

Poetess Noshi Gilani

Type

By

*_FAROOQI.54_*

 

Ik Pasheman Si Hasrat Say Mujhay Sochta Hay,

Ab Wohi Shehar Mohabbat Say Mujhay Sochta Hay,

Main To Mehdood Say Lamhon Mein Mili Thi Us Say,

Phir Bhi Wo Kitni Wazaahit Say Mujhay Sochta Hay,

Jis Nay Socha Hi Na Tha Hijar Ka Mumkin Hona,

Dukh Mein Doobi Hui Hairat Say Mujhay Sochta Hay,

Main To Mar Jao'n Agar Sochnay Lag Jao'n Usay,

Aur Wo Kitni Sahoolit Say Mujhay Sochta Hay,

Garcha Ab Tark-E-Maraasim Ko Bohat Dair Hui,

Ab Bhi Wo Mairi Ijazat Say Mujhay Sochta Hay,

Kitna Khush Faham Hay Wo Shakhass Keh Har Muasam Mein,

Ik Naye Rukh Nayi Soorat Say Mujhay Sochta Hay....................!