Jub Bhi Hansnay Ke Zamanay Aye Zakham Phir Yaad Puranay Aye

Jub Bhi Hansnay Ke Zamanay Aye

 Zakham Phir Yaad Puranay Aye

Phir Mujhe TooT Ke Chaha Osne

 Phir Bicharnay kE Zamanay Aye

Muskura Kar Hamain Milnay Walay

 Zindagi Bhar Ko Rulanay Aye

Kitni Mehroom Thi Neendain Unki

 Khwaab Bhi Jin Ko Jaganay Aye

Teri Chahat Ne Tehernay Na Dia

 Raah Mein Kitnay Thikanay Aye

Tu Nahi Hai Tou Hawa Ka Jhonka 

 Ghar Ki Zanjeer Hilanay Aye

Isi Umeed Pe Jaago Yaaro

 Ab Wo Kis Waqt Najanay Aye

Raas Aya Jinhain Sehra 

 Unki Qismat Mein Khazanay Aye........!