Ye Dil Bhulaata Nahi Hai Mohabbatain Uski Padi Howi Theen Mujhe Kitni Aadatain Uski

 

Ye Dil Bhulata Nahi Hai Mohabbatain Uski
Parri Howi Theen Mujhe Kitni Aadatain Uski

Ye Mera Saara Safar Oski Khushbu Mein Kata
Mujhe Tou Raah Dikhati Theen Chahatain Uski

Ghiri Howi Hun Mein Chehron Ki Bheer Mein Laikin
Kahin Nazar Nahi Aati Shabaahatain Uski

Mein Dard Se Ronay Lagi Hun Tou Aisa Lagta Hai
Ke Chhaon Jaisi Theen Mujh Par Rafaqatain Uski

Ye Kis Gali Mein Ye Kis Sheher Mein Nikal Aaye
Kahan Pe Reh Gayein Logon Sadaqatain Uski?

Mein Baarishon Mein Juda Ho Gayi Hun Os Se Magar
Ye Mera Dil, Meri Saansain Amanatain Uski