Agar Tu Kahey To Main Shaakh Shab-e-Qadar Se Torr Laon

اگر تُو کہے تو

مَیں شاخِ شبِ قدر سے توڑ لاؤں

چمکتے دمکتے ستاروں کے گُچھّے ؟

انہیں اک سُنہری سُبک طشتری میں رکھوں

اور تجھے پیش کردوں

کہ لے ! میرے عشقِ زبُوں پر یقیں کر

اگر تُو کہے تو

چہکتے بہشتی پرندوں پہ چُپکے سے اک جال پھینکوں

اُنہیں پھڑپھڑاتے ھوئے ھی گرفتار کرلوں

غُباروں کے مانند دھاگوں سے باندھوں

تجھے پیش کردوں

کہ لے ! میرے جذبِ درُوں پر یقیں کر

اگر تُو کہے تو

بُخارا، سمرقند، تہران، شیراز، لاھور اور قرطبہ کی فضاؤں سے خوشبو چراؤں

اُسے اپنی آنکھوں میں بھر کے

تجھے پیش کردوں

کہ لے ! چاھتوں کے فسُوں پر یقیں کر

اگر تُو کہے تو

شفق رنگ بارش کے قطروں سے مالا بناؤں

خموشی کے ساتوں سُروں سےکوئی گیت بالکل نرالا بناؤں

محبت کے اظہار کا اک انوکھا حوالہ بناؤں

تیرے نام کا پھول کوئی سدا رھنے والا بناؤں

اُسے اپنی ویراں ہتھیلی پہ رکھ کے

تجھے پیش کردوں

کہ لے ! اب تو میرے جنُوں پر یقیں کر

اگر پھر بھی شک ھے

(مری موت تک ھے)

تو کیا اپنا مجنون سر کاٹ کر

تیرے قدموں میں رکھ دوں ؟؟؟

کہ لے ! اور مجھے دفن کرنے سے پہلے

مرے گرم اور سُرخ خُوں پر یقیں کر

مری چاھتوں کے فسُوں پر یقیں کر

مری دھڑکنوں کے جنُوں پر یقیں کر

مرے دل کے عشقِ زبوں پر یقیں کر

اگر تُو کہے تو

Agar Tu Kahe To

Main Shaakh Shab-E-Qadar Se Tor'r Laon.

Chamakte Damakte Sitaaron Ke Guchhe?

Unhein Ik Sunehri Subak Tashtry Main Rakhon

Aur Tujhe Paish Kar Don

Keh Le! Ab To Mere Ishq Zabon  Par Yaqeen Kar 

Agar Tu Kahe To

Chehektay Behishti Parindon Pe Chupke Se Ik Jaal Phenkon 

Unhein Phar'r Phar'ratay Howe Hi  Giraftaar Kar Lon

Ghubaaron K Manind Dhagon Se Bandhon

Tujhe Paish Karon

Keh Le! Mere Jazb-e-Daroon Par Yaqeen Kar 

Agar Tu Kahe To

Bukhaara,Samaqand,Tehran,Sheraz,Lahore Aor Qartba Ki Fizaon Se Khushboo Churaon

Usey Apni Aankhon Mein Bhar Ke

Tujhe Paish Kar Don

Keh Le! Chahaton Ke Fasoon Par Yaqeen Kar

Agar Tu Kahe To

Shafaq Rang Baarish Ke Qatron Se Maala Banaon

Khamoshi Ke Saaton Suron Se Koi Geet Bilkul Niraala Banaon

Muhabbat Ke Izhaar Ka Ik Anokh Hawala Banaon

Tere Naam Ka Phool Koi Sadaa Rehne Wala Banaon

Usay Apni Veeran Hatheli Par Rakh Ke

Tujhe Paish Kar Don

Keh Le! Ab To Mere Janoon Par Yaqeen Kar

Agar Phir Bhi Shak Hai

 (Meri Muot Tak Hai)

To Kya Apna Majnoon Sar Kaat Kar

Tere Qadmon Mein Rakh Doon???

Keh Le! Aor Mujhe Dafan Karne Se Pehle

Mere Garam Aor Surkh Khoon Par Yaqeen Kar

Mere Chahaton Ke Fasoon Par Yaqeen Kar

Mere Dhar'rkanon Ke Janoon Par Yaqeen Kar

Mere Dil Ke Ishq-e-Zaboon Par Yaqeen Kar

AGAR TU KAHE TO