Monday, 15 February 2016
Haaye Logon Ki Karam Farmaaiyaan Tuhmatain Badnaamiyaan Ruswaaiyaan
ہائے لوگوں کی کرم فرمائیاں
تہمتیں بدنامیاں رسوائیاں
زندگی شاید اسی کا نام ہے
دوریاں مجبوریاں تنہائیاں
کیا زمانے میں یوں ہی کٹتی ہے رات
کروٹیں بے تابیاں انگڑائیاں
کیا یہی ہوتی ہے شام انتظار
آہٹیں گھبراہٹیں پرچھائیاں
میرے دل کی دھڑکنوں میں رہ گئں
چوڑیاں موسیقیاں شہنائیاں
دیدہ و دانستہ ان کے سامنے
لغزشیں ناکامیاں پسپائیاں
رہ گئیں اک طفل مکتب کے حضور
حکمتیں آگاہیاں دانائیاں
زخم دل کے پھر ہرے کرنے لگیں
بدلیاں برکھا رتیں پروائیاں
کیف، پیدا کر سمندر کی طرح
وسعتیں خاموشیاں گہرائیاں
کیف بھوپالی
Subscribe to:
Post Comments (Atom)
0 Responses to “Haaye Logon Ki Karam Farmaaiyaan Tuhmatain Badnaamiyaan Ruswaaiyaan”
Post a Comment