Raz-e-ulfat chhupa ke dekh liya Dil bahut kuchh jala ke dekh liya

Today is Faiz's Birth Anniversary

 

Raz-e-ulfat chhupa ke dekh liya

Dil bahut kuchh jala ke dekh liya

Aur kya dekhne ko baaqi hai

Aap se dil lagaa ke dekh liya

Wo mere ho ke bhi mere na huye

Unko apnaa bana ke dekh liya

Aaj unki nazar mein kuchh ham ne

Sab ki nazrein bacha ke dekh liya

Aas uss dar se tuut ti hi nahin

Ja ke dekha, na jaa ke dekh liya

Faiz takmil-e-gham bhi ho na saki

Ishq ko aazmaa ke dekh liya