Itni Muddat Bad Mile Ho Kin Sochon Mein Gum Phirte Ho

 

Poet Mohsin Naqvi

 

Itni Muddat Bad Mile Ho

Kin Sochon Mein Gum Phirte Ho?

Itne Khaif Kion Rehte Ho

Har Aahat Se Dar Jate Ho,

Teiz Hawa Ne Mujh Se Poocha,

Rait Pe Kia Likhte Rehte Ho?

Kash Koi Hum Se Bhi Pooche,

Rat Gaye Tak Kion Jagte Ho?

Main Daria Se Bhi Darta Hon,

Tum Daria Se Bhi Gehre Ho!

Peeche Murr Kar Kion Dekha Tha,

Pathar Ban Kar Kia Takte Ho?

Apne Shehr K Sab Logon Se,

Meri Khatir Kion Uljhe Ho?

Hum Se Na Pocho Hijar K Qisse,

Apni Kaho Tum Kaise Ho!

Mohsin Tum Badnam Bahut Ho,

Jaise Ho Phir Bhi Ache Ho..........!