Qisa Abhi Hijab Se Aage Nahi Barha

 

Qisa Abhi Hijab Se Aage Nahi Barha,

Main,Aap,Wo,Janab Se Aage Nahi Barha,

Muddat Hoi Kitab-E-Mohabbat Shoro Kiye,

Lekin Main Pehle Baab Se Aage Nahi Barha,

Lambi Musafatain Hain Magar Is Sawaar Ka,

Paaon Abhi Raqab Se Aage Nahi Barha,

Logon Ne Sang-O-Khisht K Qalle Bana Liye,

Apna Mehal To Khawab Se Aage Nahi Barha,

Tool-E-Kalam K Liye Main Ne Kiye Sawal,

Wo Mukhtasar Jawab Se Aage Nahi Barha..............!