Kaha Sathi Koi Dukh Dard Ka Tayar Karna Hai

 

Poet Adeem Hashmi 

 

Kaha Sathi Koi Dukh Dard Ka Tayar Karna Hai?

Jawab Aaya K Ye Daria Akaile Paar Karna Hai,

Kaha Har Rasta Baksha Hai Na Humwar Kion Mujh Ko?

Jawab Aaya Har Rasta Tujhe Humwar Karna Hai,

Kaha Kia Taigh Uthani Hai Ghaneemo Ne Ghaneemo Par?

Jawab Aaya K Yaron Ne Bhi Chup Chup K Waar Karna Hai,

Kaha Kion Samne Chamka Dia Itna Bara Soraj?

Jawab Aaya Humain Saya Pas-e-Dewaar Karna Hai,

Kaha Lafzon Se Pholon Ki Mehak Aane Lagi Kaise?

Jawab Aaya Mohabbat Ka Tujhe Azhar Karna Hai,

Kaha Mujh Ko Banaya Hai To Phir Ye Doosre Kion Hain?

Jawab Aaya K Tujh Ko Doosron Se Pyar Karna Hai..........!