Shairi Sach Bolti Hai

 

 

===============

Shairi Sach Bolti Hai

===============

Lakh Pardon Mein Rahon

Bheid Mere Kholti Hai,

Shairi Sach Bolti Hai

Mein Ne Dekha Hai K Jab

Meri Zaban Dolti Hai,

Shairi Sach Bolti Hai

Tera Israr K Chahat Meri Betab Na Ho,

Waqif Is Gham Se Mera Halqa-E-Ahbab Na Ho,

Too Mjhe Zabt K Sahraon Mein Kion Rolti Hai,

Shairi Sach Bolti Hai

Ye Bhi Kia Bat K Chup Chup K Tujhe Pyar Karon,

Gar Koi Pooch Hi Baithe To Main Inkar Karoon,

Jab Kisi Bat Ko Dunia Ki Nazar Tolti Hai,

Shairi Such Bolti Hai

Main Ne Is Fikr Mein Kaati Kai Ratain Kai Din,

Mere Sheron Mein Tera Naam Na Aaye Lekin,

Jab Teri Sans Meri Saans Mein Ras Gholti Hai,

Shairi Such Bolti Hai

Tere Jalwon Ka Hai Parto Meri Ek Ek Ghzal,

Too Mere Jism Ka Saya Hai To Katra K Na Chal,

Parda Dari To Khud Apna Hi Bharam Kholti Hai,

Shairi Such Bolti Hai..........!