Gungunate Howe Aanchal Ki Hawa De Mujh Ko

 

Poet Wasi Shah 

 

Gungunate Howe Aanchal Ki Hawa De Mujh Ko,

Unglian Phair K Balon Mein Sula De Mujh Ko,

Jis Tarha Falto Guldan Pare Rehte Hain,

Apne Ghar K Kisi Kone Se Laga De Mujh Ko,

Yad Kar K Mujhe Takleef Hi Hoti Ho Gi,

Aik Qisa Hon Purana Sa Bhula De Mujh Ko,

Doobte Doobte Awaz Teri Sun Jaon,

Aakhri Bar To Sahil Se Sada De Mujh Ko,

Main Tere Hijar Mein Chup Chap Na Mar Jaon Kahein,

Main Hon Sakte Mein Kabhi Aa K Rula De Mujh Ko,

Dekh Mein Ho Gia Badnam Kitabon Ki Tarha,

Meri Tash'heer Na Kar Ab To Jala De Mujh Ko,

Rothna Tera Meri Jan Le Jata Hai,

Aise Naraz Na Ho Hans K Dikha De Mujh Ko,

Aur Kuch Bhi Nahi Manga Mere Malik Tujh Se,

Us Ki Galion Mein Pari Khak Bana De Mujh Ko,

Log Kehte Hain Ye Ishq Nigal Jata Hai,

Main Bhi Is Ishq Mein Aaya Hon Dua De Mujh Ko,

Yehi Aaoqat Hai Meri Tere Jeewan Mein K Main,

Koi Kamzoor Sa Lamha Hon Bhula De Mujh Ko.............!