Guzar Jaye Humari Umar Paimane K CHAKAR MEIN

 

Poet Naseer U Deen Naseer

Guzar Jaye Humari Umar Paimane K CHAKAR MEIN.

Khuda Mashgool Rakhe Un K Maikhane K CHAKAR MEIN.

Mubada Dhajiyan Chunty Phiro Jeb-0-Grebaan Ki.

Na Parrna Unky Deewaany Ko Samjhany K CHAKAR MEIN.

Karishma Koi Dikhla Kar

Rahy Gi Gardish_e_Doraan

K Hy Taareekh Phir Sey Khud Ko Dohraany K CHAKAR MEIN.

Gawaara Tha Na Maykhany Ka Jinko Naam Tak Lena.

Suna Hy Aj kal Wo Bhi Hain Maikhaany K CHAKAR MEIN.

Hamen Peerana Saali Mein Bhi Peeri Sey Tammal Hy.

Jawani Mein Bhi Tum Ho Peer Ban Jaany K CHAKAR MEIN.

Kahan Waaiz, Kahan Ye Mun Andhery Qasd_e_Maykhana

Ye Hazrat Bhi Hain Shayad Peeny Pilwany K CHAKAQ MEIN.

Asar Ho Khaak Mujh Par Shekh Ki Tasbeeh Raani Ka.

K Murg_e_Deedahwar Aata Nahin Daany k CHAKAR MEIN

Ye Dunia Aani Jani Hai Yahan Har Aan Raheta Hai.

Koi Aane K Chakar Mein Koi Jaane K CHAKAR MEIN.

Zah-e-Qismat Na Choota Mujh Se Maikhane Ka Darwaza.

Raha Har Chand Waaiz Mujh Ko Bahkane K CHAKAR MEIN.

Wo Aa Pohunche To Phir Kia Tha, Badan Mein Rooh Laot Aai.

Meri Maiyat Ko Thay Ahbab Dafnane K CHAKAR MEIN.

Tum Is Dunaya Mein Bas Dunya K Ho Kar Hi Na Rah Jaana.

Na Kho Dena Kahen Khud Ko, Isy Paany K CHAKAR MEIN.

Ilaahi Aabroo Rakhna Tum Apny Sada Bandon Ki.

K Be Peery Bhi Hain Kuch Peer Ban Jaany K CHAKAR MEIN,

Samajh Paya Na Meri Maikashi k Raz Ko Waaiz.

Raha Kambakht Mujh ko Raah Par Lane k CHAKAR MEIN.

Jo Samjhein Rishta-e-Insaniat Ko Aakhri Rishta.

Nahi Parrte Kabhi Wo Apne Begbne K CHAKAR MEIN.

Koi Dekhe Naseer Apni Ye Tool-e-Umar Ki Khwahish.

K Jeena Chahte Hain Un pe Mar Jane K CHAKAR MEIN........!

Book Dast-e-Nazar