Khushbo Hai Dhanak Hai Chandni Hai (Mohsin Naqvi)

 

 

Poet Mohsin Naqvi

 

Khushbo Hai Dhanak Hai Chandni Hai,

Wo Ache Dino Ki Shairi Hai,

Bheege Howe Phool Harf Us K,

Rim Jhim Ki Zaban Mein Bolti Hai,

Baton Mein Thakan Hai Sham Jaisi,

Lehje Mein Sahar Ki Tazgi Hai,

Ye Us Ki Sada Ka Bholpan Hai,!

Ye Shama-E-Sukhan Pigal Rahi Hai,?

Chehre Pe Haya Ka Roop Hai Jaise,

Daria Mein Shafaq Si Ghul Gai Hai,

Aankhon Mein Gulab Khil Rahe Hain,

Kia Jane Wo Kab Se Jagti Hai,

Barsaye Khumar Chandni Ka!

Ya Us Ki Jabeen Damak Uthi Hai,?

Kia Jane Wo Kaise Muskarai,?

Heere Se Kiran Chan Pari Hai,!

Chehre Pe Bikhar K Zulf Us Ki,

Soraj Se Khiraj Mangti Hai,

Wo Mehv-E-Khiraam Youn Hai Jaise,

Ek Shaakh Hawa Se Khailti Hai,

Pal Bhar Ko Sarak Gia Jo Aanchal,

Kalion Ki Tarha Simat Gai Hai,

Parwa Hi Nahi Usay Kisi Ki,

Apne Se Wo Kitni Ajnabi Hai,

Aaina Hi Dekhta Hai Us Ko,

Aaina Kahan Wo Dekhti Hai,

Wo Ghuncha Dahan Sakoot Zaadi,

Khulne Pe Bhi Kam Hi Bolti Hai,

Main Us K Baghair Kuch Na Sochon,

Shayad Wo Ye Bat Sochti Hai,

Main Us Ki Anaa Ka Bankpan Hon,

Wo Meri Ghazal Ki Dil Kashi Hai,

Main Garam Dino Ki Loo Ka Mosam,

Wo Sard Rutton Ki Sadgi Hai,

Aye Khaltian-E-Mah Jabeenaan,!

Wo Aap Hi Apni Aa Gahi Hai,!

Aaye Mushtrian-E-Husn-E-Aalam,

Wo Dono Jahan Se Qeemati Hai,

Main Us Ki Rafaqaton Pe Nazaan,

Mohsin Wo Gharoor-E-Dosti Hai,

Sao Bar Main Us Se Kho Gia Hon,

Hansti Hoi Phir Se Mil Gai Hai,

MOHSIN Ye Na Khul Sake Ga Mujh Pe,

Wo Kafan Hai K Fan Ki Zindagi Hai.....................!

Book

Taloo-E-Ashk