Sar-E-Maikhana Koi Parsa Ab Tak Nahi Aaya

 

Poet Abdul Hameed Addam

 

Sar-E-Maikhana Koi Parsa Ab Tak Nahi Aaya,

Humain Peene Pilane Ka Maza Ab Tak Nahi Aaya,

Falak Ki Gardishain Hairan Hain Us Ki Bemisali Par,

Koi Aisa Sitamgar Doosra Ab Tak Nahi Aaya,

Shabaab Aaya,

Hijab Aaya Adain Aa Gain Un Ko,

Nahi Aaya To Andaz-E-Wafa Ab Tak Nahi Aaya,

Nigahain Un Ki Uthi Ghoom Phir K Ghair Tak Puhanchein,

Meri Janib Koi Teer-E-Qaza Ab Tak Nahi Aaya,

Palat K Aa Nahi Sakta Addam Ki Raah Se Koi,

Ye Dunia Chor K Jo Bhi Gia Ab Tak Nahi Aaya,

Ye Ek Tum Ho K Ek Muddat Se,

Hum Ko Bhoole Bethe Ho,

Ye Ek Hum Hain K Hum Ko Bhoolna Ab Tak Nahi Aaya...............!