Usay Ye Kehna K Roz-o-Shab Ka Safar Bhi

 

 

Poet Ibn-E-Insha 

 

Usay Ye Kehna K Roz-o-Shab Ka Safar Bhi Tanha Guzar Raha Hai,

Wo Dil Jo Tere Liye Bana Tha Teri Talab Se Mukar Raha Hai,

Meri Mohabbat Ki Band Aankhain Tere Jagane Se Khul Sakein Gi,

Wagrna Ye Dil Muhabbton K Wajood Se Hi Mukar Raha Hai,

Wo Apne Hathon Pe Aaj Mehndi Laga K Kitni Udas Ho Gi,

Wo Sochti To Zaroor Ho Gi Koi Usay Yad Kar Raha Hai,

Kabhi To Socho Tumhare Aane Pe Jo Deewana sa Ho Gia Tha,

Wo Kia Abhi Tak Wahein Khara Hai,

Wo Jee Raha Hai K Mar Raha Hai,

Wo Kal Mila Tha To Us Ki Aankhon Mein Wehshatain Raqs Kar Rahi Thein,

Wo Qatra Qatra Pighal Raha Hai,

Wo Reza Reza Bikhar Raha Hai,

Udas Logon Ki Mehfilon Mein Nai Kahani Koi Sunaye,

Koi Bataye K Itna Arsa Wo Kis Tarf Tha?

Kidhar Raha Hai.................?