Zaroori Kaam Ek Bhoola Howa Hai

 

 

Poet Shazad Qais 

 

Zaroori Kaam Ek Bhoola Howa Hai,

Na Jane Kab Se Ye Socha Howa Hai,

Ye Toota Kis Liye Be Sadh Para Hai,

Ye Dhaga Main Ne Kion Bandha Howa Hai,

Mera Kamra Ye Kehna Chahta Hai,

Tera Jeevan Bahut Bikhra Howa Hai,

Wo Shab Ko Khana Le Kar Aa Gaye Hain,

Abhi To Nashta Rakha Howa Hai,

December Ka Maheena Ho Ga Chonke,

Parinda Dhoop Mein Baitha Howa Hai,

Achanak Aaina Hairat Se Bola,

Tumhain Pehle Kahein Dekha Howa Hai..?

Kai Bar Unglion Ko Gin K Jana,

Qalam To Hath Mein Pakra Howa Hai,

Hasad Karte Hain Sare Log Mujh Se,

Mujhe Har Saniha Bhoola Howa Hai,

Khayal Apna Na Rakhon Qais Lekin,

Kisi Ne Kaam Ye Soonpa Howa Hai...............!