Dil Mein Hai Ranj Rahguzar Kitna Aye Hawa

 

Poet Mohsin Naqvi 

 

Dil Mein Hai Ranj Rahguzar Kitna,

Aaye Hawa Rah Gia Safar Kitna,

Bhool Jata Hon Milne Walon Ko,

Khud Se Phirta Hon Be Khabar Kitna,

Us Ne Aabad Ki Hai Tanhai,

Warna Sunsan Tha Ye Ghar Kitna,

Kon Ab Aarzo Kare Us Ki,

Ab Dua Mein Bhi Hai Asar Kitna,

"Boor" Ko Dekh Kar Na Soch Abhi,

Shakh Par Aaye Ga Samar Kitna,

Wo Mujhe Yad Kar K Sota Hai,!

Us Ko Lagta Hai Khud Se Dar Kitna,

Aadatein Sab Buri Hain MOHSIN Ki,

Acha Lagta Hai Wo Magar Kitna..............!

Page 182