Hath Pe Hath Dhare Baithe Hain Fursat Kitni Hai

 

Poet Amjid Islam Amjid 

 

Hath Pe Hath Dhare Baithe Hain Fursat Kitni Hai?

Phir Bhi Tere Deewano Ki Shuhrat Kitni Hai!

Sooraj Ghar Se Nikal Chuka Tha Kirnein Teiz Kiye,

Shabnam Gul Se Pooch Rahi Thi Mohlat Kitni Hai,

Be Maqsad Sab Log Musalsal Bolte Rehte Hain,

Shehr Mein Dekho Sanate Ki Dehshat Kitni Hai,!

Lafaz To Sab K Ek Jaise Hain Kaise Bat Khule,

Dunia Dari Kitni Hai Aur Chahat Kitni Hai,!

Sapne Bechne Aa To Gaye Ho Lekin Dekh To Lo,

Dunia K Bazar Mein In Ki Qeemat Kitni Hai,!

Dekh Ghizal-E-Ram Khurda Ki Phaili Aankhon Mein,

Hum Kaise Batlain Dil Mein Wehshat Kitni Hai,

Aik Adhoora Wada Us Ka Aik Shikasta Dil,

Lutt Bhi Gai To Shehr-E-Wafa Ki Dolat Kitni Hai,

Main Sahil Ho Amjid Aur Wo Daria Jaisa Hai,

Kitni Doori Hai Dono Mein,

Qurbat Kitni Hai.........!

Page 105 to 106