Shama-E-Ghazal Ki Lao Ban Jaye Aisa Misra Ho To Kaho

 

Poet Amjid Islam Amjid 

 

Shama-E-Ghazal Ki Lao Ban Jaye Aisa Misra Ho To Kaho,

Ek Ek Harf Mein Soch Ki Khushbo Dil Ka Ujala Ho To Kaho,

Raz-E-Mohabbat Kehne Wale Log To Lakhon Milte Hain,

Raz-E-Mohabbat Rakhne Wala Hum Sa Dekha Ho To Kaho,

Kon Gawahi De Ga Uth Kar Jhooton Ki Is Basti Mein,

Sach Ki Qeemat De Sakne Ka Tum Mein Yara Ho To Kaho,

Waise To Har Shakhs K Dil Mein Aik Kahani Hoti Hai,

HIJAR Ka Lawa Gham Ka Saleeqa Dard Ka Lehja Ho To Kaho,

AMJID Sahib Aap Ne Bhi To Dunia Ghoom K Dekhi Hai,

Aisi Aankhein Hain To Batao Aisa Chehra Ho To Kaho...................!

Page 107