Raz Kahan Tak Raz Rahe Ga Manzar-E-Aam Pe Aaye Ga

 

Poet Ibn-E-Insha 

 

Raz Kahan Tak Raz Rahe Ga Manzar-E-Aam Pe Aaye Ga,

Jee Ka Dagh Ujagar Ho Kar Soraj Ko Sharmaye Ga,

Shehron Ko Weeran Kare Ga Apni Aanch Ki Tezi Se,

Veerano Mein Mast Albele Wehshi Phool Khilaye Ga,

Han Yehi Shakhs Gudaz Aur Nazuk Honton Par Muskan Liye,

Aye Dil Apne Hath Lagate Pathar Ka Ban Jaye Ga,

Deeda-O-Dil Ne Dard Ki Apne Bat Bhi Ki To Kis Se Ki,

Wo To Dard Ka Baani Tehra Wo Kia Dard Bataye Ga,

Tera Noor Zahoor Salamat Ek Din Tujh Par Mah-E-Tamam,

Chand Nagar Ka Rehne Wala Chand Nagar Likh Jaye Ga...........!