Sharafat Soz Tasveeron Ki Uriani Nahi Jati

 

Poet Faiz Ahmad Faiz 

 

Sharafat Soz Tasveeron Ki Uriani Nahi Jati,

Adab Ki Aar Mein Targheeb-e-Roomani Nahi Jati,

Khuda Jane K Nasl-e-Nao Ka Kia Anjam Hona Hai?

Watan Se Fahash Naghmon Ki Farawani Nahi Jati,

Azaab Aaye To Us Mein Sainkron Ki Jan Jati Hai,

Nahi Jati To Shaitano Ki Shaitani Nahi Jati,

Kahein Basti Ki Basti

Boond Pani Ko Tarasti Hai,

Kahein Barish Barasti Hai To Tughyani Nahi Jati,

Jahan K Zarre Zarre Se Numaya Hai Jalaal US Ka,

Magar Hum Se Khuda Ki Zat Pehchani Nahi Jati,

Zamana Is Qadar Qail Howa Hai FAIZ Jhooton Ka,

Jo Sach Kehte Hain Un Ki Aik Bhi Maani Nahi Jati..............!