Mere Qatil Ko Pukaro K Main Zinda Hon Abhi

 

Poet Mohsin Naqvi 

 

Mere Qatil Ko Pukaro K Main Zinda Hon Abhi,

Phir Se Maqtal Ko Sanwaro K Main Zinda Hon Abhi,

Ye Shab-e-Hijar To Sathi Hai Meri Barson Se,

Jao So Jao Sitaro K Main Zinda Hon Abhi,

Ye Preshan Se Geso Dekhe Nahi Jate,

Apni Zulfon Ko Sanwaro K Main Zinda Hon Abhi,

Lakh Mojon Mein Ghera Hon Abhi,

Dooba To Nahi

Mujh Ko Sahil Se Pukaro K Main Zinda Hon Abhi,

Qabar Se Aaj Bi MOHSIN Ki Aati Hai Sada,

Tum Kahan Ho Yaro K Main Abhi Zinda Hon..................!