Ye Kooche Ye Neelam Ghar Dil Kashi K

 

Poet Sahir Ludhianvi 

 

Ye Kooche Ye Neelam Ghar Dil Kashi K,

Ye Lutte Howay Karwaan Zindagi K,

Kahan Hain Kahan Hain Mohafiz Khudi K,

Sana Khawan-E-Taqadees-E-Mashriq Kahan Hain?

Ye Pur Paich Galian Ye Be Khawab Bazar,

Ye Gum Naam Raahi Ye Sakoon Ki Jhankar,

Ye Asmat K Sode Ye Sodon Pe Takrar,

Sana Khawan-E-Taqdees Mashriq Kahan Hain?

Tafun Se Pur Neem Roshan Ye Galian,

Ye Masli Hoi Adh Khili Zard Kalian,

Ye Bikti Hoi Khokhali Rang Ralian,

Sana Khawan-E-Taqdees Mashriq Kahan Hain?

Wo Ujle Dareechon Mein Payal Ki Chhan Chhan,

Tanafus Ki Uljhan Pe Tablay Ki Dhan Dhan,

Ye Be Rooh Kamron Mein Khansi Ki Than Than,

Sana Khawan-E-Taqdees Mashriq Kahan Hain?

Ye Goonje Howay Qehqahe Raston Par,

Ye Charon Taraf Bhair Si Khirkion Par,

Ye Goonje Howay Qehqahe Raston Par,

Ye Charon Taraf Bheir Si Khirkion Par,

Ye Awaz Khenchte Howay Aanchlon Par,

Sana Khawan-E-Taqdees Mashriq Kahan Hain?

Ye Phoolon K Gajre Ye Paikon K Cheente,

Ye Bebaak Nazrein Ye Gustakh Fiqre,

Ye Dhale Badan Aur Ye Mad Qooq Chehre,

Sana Khawan-E-Taqdees Mashriq Kahan Hain?

Ye Bhooki Nigahein Haseeno Ki Janib,

Lapakte Howay Paon Zeeno Ki Janib,

Sana Khawan-E-Taqdees Mashriq Kahan Hain?

Yahan Peer Bhi Aa Chuke Hain Jawan Bhi,

Tanomand Bete Bhi Abba Mian Bhi,

Ye Bivi Bhi Hai Aur Behn Bhi Hai Maan Bhi,

Sana Khawan-E-Taqdees Mashriq Kahan Hain?

Madad Chahti Hai Ye Hava Ki Beti,

Yashoodha Ki Hum Jins Radha Ki Beti,

Payabmar Ki Umat Zulaikha Ki Beti,

Sana Khawan-E-Taqdees Mashriq Kahan Hain?

Bulao Khudayan-E-Deen Ko Bulao,

Ye Kooche Ye Galian Ye Manzar Dekhao,

Sana Khawan-E-Taqdees Mashriq Kahan Hain........!