Kisi Khooni Qabeelay Ki Sippah Salaar Hai Laila

 

 

Poet Shehzad Qais

 

Kisi Khooni Qabeelay Ki Sippah Salaar Hai Laila

Kabhi Dashna, Kabhi Khanjar, Kabhi Talwaar Hai Laila

 

Badan Pay Woh Gazab Dhata Hai, Yeh Jazbaat Ki Qati

Siatm K Badshah Ki , Hashiya Bardaar Hai Laila

 

Yeh Kusht-e-Zaafrani Hai, Faqat Aaghaz-e-Ulfat Mein

Jo Dil De Do Tou Phir Din Raat Kusht-e-Zaar Hai Laila

 

Kabhi Iss Ne Wafa Ki Ho Tou Phir Insan Sochay Bhi

Rukh-e-Masoom Na Daikh, Akhri Ayyar Hai Laila

 

Tera Kirdaar He, Guftaar Ka, Haami Nahi Zulmi

Tu Lakh Iqrar-e-Ulfat Kar, Hame Inkaar Hai Laila

Teri Aankhon Ka Neela Pan, Yeh Tera Maatmi Joban

Jo Tujh Pay Mar Mtay Majnu, yeh Kia Kirdaar Hai Laila

Koi Hadya Ba-Masjid Tou, Koi Maikhanay Ko Bakhsha

Shikayat Par Kahe Qazi Se, Khud-Mukhtaar Hai Laila

Hui Khaiti Jawaan Dil Ki , Giranay Aagai Bijli

Chamak Pay Na Maro Sahib, chamakti Dhaar Hai Laila

Sitam Ki Malika, Zulmat-Gar, Kiraey Ki Koi Qatil

Bazor-e-Husan Qabza-Gar, Bohat Fankaar Hai Laila

Agar Tum Na Milee Tou Is Ghazal Ko "Theek" Se Parh Lo

Agar Ho Qais Ki Tou , Toba Astagfaar Hai Laila