Meri Bat Wo Kaise Manta Wo To Khud Fana K Safar Mein Tha

 

Poet Wasiq Ali Athar 

 

Usay Apne Dard Ki Fikar Thi,

Wo Jo Mera Waqif-E-Hal Tha,

Wo Jo Us Ki Subha Arooj Thi,

Wohi Mera Waqt-E-Zawal Tha,

Mera Dard Wo Kaise Janta,

Meri Bat Wo Kaise Manta,

Wo To Khud Fana K Safar Mein Tha,

Usay Rokna Bhi Mohal Tha,

Kahan Jao Gay Mujhe Chor Kar,

Main Pooch Pooch K Thak Gia,

Wo Jawab Mujh Ko Na De Saka,

Wo To Khud Sarapa-E-Sawal Tha,

Wo Mila To Sadion Bad Bhi,

Mere Lab pe Koi Gila Na Tha,

Usay Meri Chup Ne Rula Dia,

Jaise Guftago Mein Kamal Tha................!