Daman-E-Arz-O-Sama Khali Hai

 

 

Poet Mohsin Naqvi 

 

Daman-E-Arz-O-Sama Khali Hai,

Phir Mera Dast-E-Dua Khali Hai,

Qeemti Lafz Lutane Wale,!

Mera Damaan-E-Sada Khali Hai,

Kia Howay Khak Urane Wale,

Kasa-E-Moj-E-Hawa Khali Hai,

Meri Matti Hai Asasa Is Ka,

Warna Daria To Tera Khali Hai,

Shehr-E-Afkar Mein Youn Qahat Para,

Zehn-E-Makhlooq-E-Khuda Khali Hai,

Shoq Se Dil Mein Utar Sham-E-Firaq,

Roshni Se Ye Dia Khali Hai,

Khatam Hai Mosam-E-Khairat-O-Kharaj,

Deeda-E-Shah-O-Gada Khali Hai,

Zabt-E-Awaz Udhairo MOHSIN,

Shehr Gum Sum Hai Fiza Khali Hai.................!

Page 106 T0 107