ہے میرے گرد کثرتِ شــہر جــفا پرست تنہا ہوں، اس لیے ہوں مـیں اِتنا انا پرست

ہے میرے گرد کثرتِ شــہر جــفا پرست

تنہا ہوں، اس لیے ہوں مـیں اِتنا انا پرست

صحنِ بـہار گل مـیں کفِ گل فروش ہے
شامِ وصالِ یار مــیں دستِ حِنا پرست 

تھا ابتدائے شوق مـیں آرامِ جاں بہت
پر ہم تھے اپنی دُھن مـیں بہت اِنتہا پرست

بامِ بلند یار پہ خاموشـــیاں سی ہیں

اِس وقت وہ کہاں ہے، وہ یارِ ہوا پرست

گمراہـیوں کا شــکوہ نہ کر اب تو اے 'منیر'
تُو ہی تھا سب سے بڑھ کے یہاں رہنـما پرست

'منیر نیـــازی'