Phir Sawan Rut Ki Pawan Chali, Tum Yaad Aaye

 

 

Poet Nasir Kazmi

Type bY

UJRRA_DIL

Phir Sawan Rut Ki Pawan Chali,

Tum Yaad Aaye,

Phir Paton Ki Pazeb Baji,

Tum Yaad Aaye,

Phir Koonjein Bolein Ghas K Hare Samndar Mein,

Phir Rut Aai Peele Phoolon Ki,

Tum Yaad Aaye,

Phir Kaga Bola Ghar K Soone Aangan Mein,

Phir Amrat Ras Ki Boond Parri,

Tum Yaad Aaye,

Pahle To Main Cheekh K Roya Aur Phir Hansne Laga,

Badal Garja Bijli Chamki,

Tum Yaad Aaye,

Din Bhar To Main Dunya K Dhandon Mein Khoya Raha,

Jab Deewaron Se Dhoop Dhali,

Tum Yaad Aaye.....!

Page Num 15

Gzl Number 3