Shikast De Kar K Mujhe Daar Par Sajata Hai Wo Apni Jeet Meri Haar Par Sajata Hai

 

 

Poet Saleem Fooz

Typ By

*.__Ayaz Khan__.*

Shikast De Kar K Mujhe Daar Par Sajata Hai.

Wo Apni Jeet Meri Haar Par Sajata Hai.

Mizaj-E-Yar Teri Barhami K Dil Sadqe.

Ajeeb Rang Rukh-E-Yar Par Sajata Hai.

Ek Aise Lamha Tanhai Se Mein Waqif Hon.

Wo Jab Mujhe Lab-O-Ruksar Par Sajata Hai.

UseY Pasand Nahi Motiye K Phool Magar.

Kalai Mein Mere Israr Par Sajata Hai.

Tere Deewane Ko Tasveer Mil Gai Hai Teri.

Badal Badal K Jo Deewar Par Sajata Hai.

Wo Jis K Aiab-E-Hunar Se Badal Diye Main Ne.

Wo Tuhmatein Mere Kirdar Par Sajata Hai.

SALEEM FOOZ Safaai Mein Kuch Nahi Kehna.

Gale Mein Touq Wo Izhar Par Sajata Hai........!

Book: Subhi Chehre Tumhare Hain

Page: 33 to 34 

 

  =============

Nomi Collections

=============