Ujar Gia Chaman Log Dilfgar Chale

Poet Naseer-o-Deen Naseer 

Ujar Gia Chaman Log Dilfgar Chale,

Koi Saba Se Kaho Ab Na Bar Bar Chale,

Ye Ko Seir Ka Armaan Liye Chaman Se Gia,

K Baad-E-Subha K Jhonke Bhi So Gawar Chale,

Ye Kia K Koi Bhh RoYa Na Yad Kar K Unhain,

Wo Chand Phool Jo Husn-E-Chaman Nikhar Chale,

Naqab Utha K Pare Ehl-E-Dard Mein Hal Chal,

Nazar Mila K Churi Dil K K Aar Paar Chale,

Khosha K Dar Pe Tere Jhuka Lia Hum Ne,

Ye Aik Qarz-E-Jabeen Tha Jise Utar Chale,

Kahe Jo Haq Wo Kare Kion Ma'aal-E-Haq Se Gureiz,

Koi Chale Na Chale Hum To Sooye Daar Chale,

Ab Is K Bad Jane Ya Saba Jane,

Guzarne Thay Humain Char Din Guzar Chale,

Palat K Dekha Na Ek Bar Karwaan Ne Humain,

Gire Paron Ki Tarha Hum Pas-E-Ghubar Chale,

Jo Un Ki Yad Mein Chamke Kabhi Sar-E-Majhgaan,

Wo Char Ashk Meri Aaqbat Sanwar Chale,

Kisi Ki Yad Se Taskeen-E-Jaan Hai Wabasta,

Kisi Ka Zikar Chale Aur Bar Bar Chale,

Tumhari Bazm Se Taseer Uth Gai Shayad,

Bahal-E-Zaar Hum Aaye Bahaal-E-Zaar Chale,

Ghareeb-E-Shehr Ki MaiYat K Sath Rota Kon,

Mera Salam Ho Un Par Jo Ashkbar Chale,

Qafas Mein Roz Dikhata Hai Aashian Siyad,

Naseer Aag Laga Don Jo Akhtiar Chale.....................!