Aaye Kuch Abar Kuch Sharab Aaye

 

 Poet Faiz Ahmad Faiz 

 

Aaye Kuch Abar Kuch Sharab Aaye,

Us K Baad Aaye Jo Azab Aaye ,

Baam-E-Meena Se Mahtab Utare,

Dast-E-Saqi Mein Aaftab Aaye,

Har Rag-E-Khoon Mein Phir Charaga Ho,

Samne Phir Wo Benaqab Aaye,

Umar K Har Warq Pe Dil Ko Nazar Teri,

Mehr-O-Wafa K Baab Aaye,

Kar Raha Tha Gham-E-Jahan Ka Hisab,

Aaj Tum Yad Behisab Aaye,

Na Gai Tere Gham Ki Saradari,

Dil Mein Youn Roz Inqalab Aaye,

Jal Uthe Bazm-E-Ghair K Dar-O-Baam,

Jab Bhi Hum Khanamaan Kharab Aaye,

Is Tarha Apani Khamoshi Goonji,

Goya Har Simt Se Jawab Aaye,

Faiz Thi Rah Sar Basar Manzal,

Hum Jahan Pohnche Kamayab Aaye..............!